Teilungen Polens

Mit de Däilige vo Poole wärde in erster Linie d Däilige vom Doppelstaat Poole-Litaue am Ändi vom 18. Joorhundert bezäichnet.^[1] In de Joor 1772, 1793 und 1795 häi d Nochbermächt Russland, Pröisse und Östriich dr Unionsstaat Schritt um Schritt under sich ufdäilt, so dass uf dr Charte vo Öiropa bis zum Ändi vom Erste Wältchrieg 1918 für mee as 120 Joor kä äigeständige polnische Staat me existiert het.

Noch dr Erooberig vo de pröissische Däiligsgebiete dur e Kaiser Napoleon I. und em Friide vo Tilsit 1807 isch s Herzogdum Warschau as franzöösische Satellitestaat entstande. Noch dr Niiderlaag vom Napoleon und em Wiener Kongräss 1815 isch s Herzogdum Warschau um Pose und Krakau verchliineret worde und as konstitutionells „Köönigriich Poole“ in Personalunion vo de autokratische russische Zare beherrscht worde.

Aagläänt an die drei Däilige vo Poole existiert d Bezäichnig Vierti Däilig vo Poole, wo spööter für verschiideni Beschniidige vom polnische Staatsgebiet verwändet worde isch.

1. ↑ Dr Usdruck Polnischi Däilige wird im wüsseschaftlige Diskurs abgleent; d Däilige vo Poole bezien sich drbii immer uf e Gsamtstaat Poole-Litaue.